Accueil | Contacts SAT-Amikaro chez wikipedia SAT-Amikaro chez Ipernity SAT-Amikaro chez Facebook SAT-Amikaro chez Facebook fil rss

Babilrondo

Kalendaro de niaj parolrondoj, 2020 :

Datoj Temoj proponitaj
3/1/2020 Kio okazis en 2019 ? + La novaj vortoj de 2020 — niaj du kutimaj temoj, okaze de novjaro : — Kia estis 2019 ? kion aŭguras la 20-jariĝo de la 3-a jarmilo ? — Kiuj estas la novaj vortoj de Roberto & Laruso ? ĉu tradukeblaj Esperante ? ĉu francaj adaptoj de Esperantaj vortoj ?
10/1/2020 Filmo : La Sociale / La Sociala Asekuro — Ĉu vi scias, kiel kaj kiam ĝi estis fondita, kiu estis Ambroise Croizat ? Tiu filmo de Gilles Perret bele montras la aferon, des pli kun Esperanta subteksto.
17/1/2020 La Nekoheroj — Ĉu plaĉis al vi la artikolo de Luc Gouverneur en La Sago n° 128 ? Venu do kun viaj nekoheroj, paradoksoj, kontraŭdiroj, oksimoroj, skizofreniaĵoj, memtrompoj, sinmanipuloj, kaj klarigu kial, kio ne taŭgas, tamen taŭgas, kaj reciproke.
24/1/2020 Les Grains de Selhttp://www.lesgrainsdesel.fr/ "La Sal-grajnoj" estas granda bazaro de nutraĵoj, malmultekosta, kies klientoj estas societanoj kiuj kunlaboras po 3 horoj ĉiumonate, kiu de freŝe malfermiĝis en la kvartalo de la sidejo de SAT-Amikaro.
31/1/2020 Briteliro — Ĉu nun la lasta epizodo ? sed komenciĝo de kio ? profite / malprofite de kio / kiu ? se vi Brito, kion vi opinius, esperus, bedaŭrus ? Ĉu Briteliro povas emfazigi la Esperantistan propagandon ?
7/2/2020 Ĉina novjaro — La sidejo de SAT-Amikaro situas apud la vjet-ĉina kvartalo de Parizo, okazo por ni temi pri tiuj kulturoj.
14/2/2020 Tubaro.aperu.net https://tubaro.aperu.net/ — Tubaro ekzistas jam de unu jaro : https://tubaro.aperu.net/v/ytb_moAn... kaj jam fariĝis unu el la centraj medioj de Esperantujo ! Kiuj estas la filmoj kiujn vi preferis ? Ĉu filmo de vi estas spektebla en Tubaro ?
21/2/2020
28/2/2020
7/3/2020

Kelkaj aliaj temoj por 2020 (la datoj estos deciditaj poste) : Urba baloto 15-22 Marto. / La Grandaj Magazenoj de La Samaritaine. / La Eŭska lingvo — Kiel ĝi parencas kun Esperanto ? Ĉu vi konas la Vaskan kulturon, Eŭskan poezion ? Ĉu vi favoras por sendependaj Eŭskio kaj Esperantujo ? / Aborto-rajto, virinaj rajtoj, afero Weinstein. / Ludoj (inkluzive vortludoj) en Esperanto. / La projekto de Demokratia Mono. / Kanzonoj en Esperanto. / La klimato, naturaj katastrofoj, malaperoj de specioj. / Célestin Freinet, Maria Montessori, instrumetodoj. / Kiu estis Lanti. / Esperanto en Afriko. / Libro : La Unua Homo, de A. Camus. / ĈĜĤĴŜŬĉĝĥĵŝŭ

Niaj Vendredaj vesperaj babilrondoj (vi estas bonvenata ekde 18h30) ne estas rendevuo de filozofoj, de politikistoj, de SAT-anoj ; simple kunestas homoj kun homoj. Ja, la anoncita temo ne ĉiufoje estas respektata, iuj parolas pli ol aliaj, iuj ne lertas per E-o, kaj ne nur akvo estas trinkata. Venu, ĉeestu ! Diru per la lingvo Esperanto, kiel vi vivas la vivon ; aŭskultu la aliulojn ; ĉio-tio valoras pli ol teorioj de Profesoroj !

Ni deziras pli da « etaj prelegoj » : dum la antaŭaj jaroj amik(in)oj prezentis temojn, kiel : Interreta Esperanto-TV, SAT, framasonismo, eksterteranoj, vortarlibroj, merkatikaj teknikoj por varbi, parabolo de la kaverno, Ruseo kaj Voltero, Pirata Partio, artefarita inteligento, Mond-Civitanoj… Tiaj « prelegetoj » estis interesaj kaj la diskutoj riĉaj.

Se vi deziras « prelegeti », anoncu vian daton kaj temon (eblas esti libro, metio, vizito de ekspozicio, receptoj por kukoj, eĉ eblas esti vi…). Ne preparu prezentadon per komputilo ĉar ni ne havas grandan ekranon. Dank’al tiaj prelegetoj ni povus ankaŭ redakti artikolojn por La Sago. Ni ankaŭ povas rondumi per la sistemo jitsi en interreto : https://meet.jit.si/satamtam.




Articles :


puce pasintaj temoj 2017 ĝis nun ( fr )







A télécharger



flugfolio Cécile Anda




invitilo

 
SAT-Amikaro - 132-134, Boulevard Vincent-Auriol - 75013 Paris - 09.53.50.99.58
A propos de ce site | Espace rédacteurs